Պէյրութի Եւ Քեսապի Մէջ. Ս. Պատարագներ Եւ Հոգեհանգստեան Պաշտօններ` Հ. Սահակ Վրդ. Քէշիշեանի
Վախճանման 8-րդ Տարելիցին Առիթով
Հայր Սահակ վրդ. Քէշիշեանի վախճանման 8-րդ տարելիցին եւ համայն Ս. Գրիգոր Լուսաւորիչ
սկաուտախումբի ննջեցեալ նախկին հոգեւոր հայրերուն եւ անդամներուն հոգիներուն համար զոյգ
ձայնաւոր Ս. պատարագները եւ հոգեհանգստեան պաշտօնները տեղի ունեցան կիրակի, 1 սեպտեմբեր
2013-ին, Ժեհթաուիի Սրբոյ Կուսին Աւետման եկեղեցւոյ մէջ եւ Քեսապի Ս. Միքայէլ եկեղեցւոյ
մէջ: Քեսապի մէջ Ս. պատարագը կազմակերպեց եւ մատուցեց Ս. Գրիգոր Լուսաւորիչ սկաուտախումբի
նախկին հոգեւոր հայրը եւ ներկայիս Ս. Միքայէլ եկեղեցւոյ ժողովրդապետ հայր Նարեկ վրդ.
Լուիսեան: Պէյրութի մէջ սկաուտական Ս. պատարագը մատուցեց Ս. Գրիգոր Լուսաւորիչ սկաուտախումբի
այժմու հոգեւոր հայրը` հայր Վարդան վրդ. Գազանճեան` կազմակերպութեամբ Ս. Գրիգոր Լուսաւորիչ
սկաուտախումբի 85-ամեակի յանձնախումբին եւ խմբապետական կազմին: Սրբոյ Կուսին Աւետման
եկեղեցւոյ պատարագին ներկայ էին Ս. Գրիգոր Լուսաւորիչ սկաուտախումբի ներկայ եւ նախկին
խմբապետներ, խմբապետուհիներ, անդամներ եւ հաւատացեալներու հոծ բազմութիւն մը: Հոգեհանգստեան
պաշտօնէն եւ սկաուտական աղօթքներէն ետք, ներկաները մոմավառութեամբ ուղղուեցան դէպի եկեղեցւոյ
շրջափակը` հայր Սահակ վրդ. Քէշիշեանի նուիրուած խաչքարին առջեւ: Սկաուտները զետեղեցին
ծաղկեփունջ եւ վերանորոգեցին իրենց խոստումը` երգելով սկաուտական խոստումի քայլերգը